كيفاش نعرف اللي صايرلي عنف رقمي؟

ساعات العنف الرقمي يبدا بحاجات صغيرة، ولا يجي من شخص قريب: شريك، شريك سابق، صاحب ولا فرد من العايلة. هاذي علامات تنجم تعاونك:

• تحس بالخوف ولا القلق كل ما يجيك ميساج من شخص معيّن.
• حد يطلب منك كلمات السر متاعك ولا يراقب تليفونك وتحركاتك.
• حد يهدّد ينشر تصاور، محادثات ولا معلومات عليك.
• حد يطلب منك فلوس ولا تصاور مقابل إنو ما ينشرش حاجة.
• تلقى حساب باسمك ولا بتصاورك ما عملتوش إنت.
• تتعرّض لتعليقات مسيئة على جسمك، هويتك ولا ميولك.

كان واحدة من هاذم تشبه للي صايرلك، راهو من حقك تطلب الدعم. ما يلزمش تستنّى لين يولّي الوضع أخطر.