شنوّة نعمل كان يبتزوني؟

اللي صار موش غلطتك. المسؤولية كاملة على الشخص اللي يبتز.

توا

1. ما تخلّصش وما تبعثش تصاور أخرى. الخلاص ما يوقفش الابتزاز في أغلب الحالات، وينجم يزيد يطلب.
2. ما تفسخش المحادثة. أعمل captures فيهم اسم الحساب، الرابط متاعو، والتاريخ.
3. وقّف التواصل معاه بعد ما توثّق، وما تدخلش معاه في نقاش.
4. أمّن حساباتك: بدّل كلمات السر وفعّل المصادقة الثنائية.
5. بلّغ على الحساب للمنصة (فايسبوك، إنستغرام…). المنصات عندها إجراءات خاصة بالتصاور الحميمية.

كان نشر ولا هدّد ينشر تصاور حميمية

موقع StopNCII.org يخلّيك تحمي تصاورك من النشر على برشا منصات، من غير ما تبعث التصويرة بيدها: يتعمل منها “بصمة” على تليفونك برك.

ماكش وحدك

كلّم حد تثق فيه، وكان تحس بالخطر كلّم 1899. تنجم زادة تطلب دعم قانوني ونفسي.